Esengo

Liyébisi Babel ya moto
ln-N Moto óyo ayébí koloba lingála bandá mbótama. fr-4 Cet utilisateur dispose de connaissances proches de la langue maternelle en français. en-3 This user has advanced knowledge of English. kg-2 Mûntu yayi zâba tuba kituba Kôngo mbote. sw-1 Mtumiaji huyu ni mwongeaji wa Kiswahili cha kiwango cha Msingi.
Utilisateurs par langue

Lokásá luye luzalí lokásá la ngáí mɔ̌kɔ.

Mbɔ́tɛ,

Nkómbó ya ngáí Esɛngó, nabótamá na Kongó-Kinsásá mpé lingála liye libúkana ndé lizali monɔkɔ mwa ngáí ya mbóka kasi likoló lya lokóta lûná, nalobaka lifalansé mpé lingɛlɛ́sa. Atâ sɔ́kí lingála libukana lizali lokótá la ngáí la mbótama, nasepelaka míngi koloba lingála lya sɔ̂lɔ́ liye lizalí kotósa mambí ma nkóta. Sɔ́kí, osengeli kosolola na ngáí, okoki kokomela ngáí na lingála, lifalansé tɔ̌ lingɛlɛ́sa. Nayokaka kikɔ́ngɔ malámu mpé nakoki koloba mwâ mokɛ. Nayokaka swahili mwâ mokɛ mpé nalobaka yangó mpé mokɛ mokɛ.<br\>

Mobú mɔ̌kɔ libosó nabandá kelási ya ebandeli na Kongó-Kinsásá, mokambi-ekólo ya bísó apesáká ndingisa elɔngɔ́ na baye bakambaka makambo ma kelási 'te kelási na Kongó-Kinsásá ékopɛ́sɛmɛ na lingála. Búku ya ngáí ya yambo ya botángi ezalákí Lobɔ́kɔ na mɔ̌tɔ. Kasi nsima ya kobanda koyékola kotánga na lingála, nsima ya mobú mɔ̌kɔ ndingisa esúsu epɛ́sɛmɛ́kí eye esálaka 'te tózóngela koyékola na lifalansé. Nayébi lisúsu *title ya búku ya ngáí ya íbalé tɛ́ kasi nayébi káka 'te ezaláká na lángi la malála mpé bayéma tatá mɔ̌kɔ na bǎna, nsima ya búku êná ngáí natángáká A petit pas mpé nsima A grand pas.