M'Pongo Love

M'Pongo Love, nkómbó na ye ya soló ewali bongo M'Pongo Landu Alfride, azali moyémbi ya Kongó-Kinsásá. Abotami mokólo ya 27augústo 1956 na Boma mpe akufi mokolo ya 15 yanwáli 1990 na Kinsásá.

Ayebani mingi mpo na mongongo na ye ya likolo, ya péte mpe ya mawa oyo esangisi na kitoko na ye ya kobotáma atáko bokɔno makoló na ye, mpe azali na Abeti Masikini, lokóla ba nkómbó mibále ya minéné na mɔlongo ya basi ya mindule ya kongo . M'pongo Love ezali nkómbó na ye ya mosala oyo azuakí na mbula zomí na líbwa pona mosala ya mindulé na yé, lolengé ya koyémba éza rumba pe ayémba na lingála .

Ezalelá ya moto ye moko

Bomwana

Abɔtámi mokolo ya 27 augústo1956 na engumba ya Mátádi na Kongó-Kinsásá, mwana mwasi ya Gilbert-Pierre M'Pongo , oyo azaláki kalá mokonzi ya basoda ya Zaïre .

Ntango azaláki na mbula mineí, na 1960, akutanaki na likambo moko ya mawa, libosó azwaki bokono ya makolo óyo ewutaki na tonga óyo epesamaki malamu te mpe mza ntango na sima, liwa ya tata na ye esalamakí na boyokani ya politiki ya ba soda. .

M'Pongo Love azongelaki kosalela makolo na ye kaka na 1962, mbula míbale na sima, kasi kaka ndambo. Ezalaki na lingomba ya bakatoliko na kombo ya Notre Dame ya Boma na tango ya kotanga na ye y ebandeli nde akolisaki posa ya miziki na ebolo ya miziki y eklezia .

Bomoi ya miziki

M'pongo Love, asalisami na moko ya baninga na ye, pene na Empompo Loway mobɛti ya saxophone na lisanga miziki na kombo ya fiesta africaine ya Tabu Ley Rochereau, abongwani na miziki tango abandaki kosala na Districars ya Dokolo ( moteki ya mituka ) lokola mokengeli mbongo. Na lisungi ya Deyess Empompo Loway oyo akomaki mokengeli na ye mpe abongisaki miziki na ye, asali lisanga na ye moko oyo abengaki Tcheke Tcheke Love .

Kozwa pansiɔ mpe liwa

Pene na suka ya mosala na ye ya miziki, akendaki kofanda na Gabon mpe ezalaki kuna nde azwaki bokono ya méningite cérébrale . Na sima kotinda ye na Kinshasa mpo na kokɔta lopitalo mpe akufi le 15 yanwáli 1990 nasima ya mikolo liwa ya Vadio Mambenga (moyembi mosusu ya Zaïre oyo mpe azalaki kobika na bokono ya makolo), na ngambo na ye liboso ya oyo ya tata na ye ya kala na mua mikolo .mopesi toli Deyess Empompo.

Bomoi ya moto ye moko

Mpongo Love azalaki na bandeko mibale ya mibali ,mpe misatu ya mibali pe moko ya muwasi ya tata moko kasi mama moko tɛ̂. Mwasi moko ya komikitisa, ya komibate mpe ya lokumu mingi, M’Pongo Love, azalaki mwasi ya kobomba ba sekélé ya bomoi na ye. Azalaki na bana 3 : Sandra M'pongo Ndo, Ritchy Pongo Landu na Grace Pongo Otina .