Christian Bosembe Lokando

Christian Bosembe Lokando, abotamaki na mokolo ya 5 Yanwáli 1988 na Goma, azali mopanzi-nsango mpé avoka oyo azwi litangisi na lisanga ya ba avoka ya Equateur/Mbandaka na Kongó-Kinsásá. Azali mokambi ya Ntólo ya likoló ya mambi ma bilílí mpé ya bopanzi sango oyo na lopoto ba bengi "Conseil Supérieur de l'Audiovisuel et de la Communication" (CSAC na mokuse) mpe mokeli ya etuluku ya bapanzi-nsango Congo Buzz oyo ezali na chaîne ya télévision, site ya bansango ya ntango nyonso (na internet), mpe chaîne ya YouTube oyo ezali kopanza na ntango ya solo baprograme ya chaîne TNT.