Catherine Nzuzi wa Mbombo

Catherine Nzuzi wa Mbombo

Fonctions

Minister of Solidarity and Humanitarian Affairs
30 yúli 2003 - 5 febwáli 2007
Ministre

Biographie

Naissance	1944
Nationalité	Kongó-Kinsásá
Activité	Femme politique

Catherine Nzuzi wa Mbombo, abotama na mokolo ya 19 sanza ya zomi na mibale 1944 na Tshumbe Sainte Marie na Sankuru oyo kala ezalaki eteni ya Kasaï Oriental, azali mwasi ya politiki ya ekolo Congo démocratique. Abotami na Kananga na Kasaï Ouest oyo ebengami lelo Kasaï central na territoire ya Kazumba, mwasi akufela mobali mpe mama ya bana 6.

Biografi ya bomoi ya bato

Catherine Nzuzi wa Mbombo abandaki mosala na ye ya mwasi ya politiki na mibu 23 na bourgmestre (maire) ya commune ya Gombe (1968-1970), commune ya lokumu koleka na mboka. Kati na ba bourgmestre ya kala ya commune oyo, esengeli kotanga Marie-Rose Kasa-Vubu ((1971-1974), Albert-Joseph Kasongo Wa Kapinga ((1982-1988). Catherine Nzuzi wa Mbombo azalaki moyokanisi kati na ministre ya Intérieur mpe gouverneur ya province lokola inspecteur d'Etat oyo azalaki na mokumba ya ba provinces mibale to misato mpe azalaki commissaire provincial, vice-gouverneur ya ville ya Kinshasa, gouverneur ya province ya Bas-Zaïre na 1972 kino 1974, mpe gouverneur ya ville ya Kinshasa. Azalaki membre ya bureau politique ya MPR, parti-Etat, na sima membre ya Comité central ya MPR. Esika ya lokumu oyo azalaki na yango ezali ya vice-présidente ya mibale ya Comité central ya MPR. Na kolanda mibeko ya mboka oyo ezalaki na ntango wana, mokumba yango ekokanaki na oyo ya vice-président ya République. Na nsima ya kokwea ya bokonzi na 1997, akitanaki Président Mobutu na bokambi ya parti, MPR..

Azalaki Ministre ya Solidarité mpe ya Affaires Humanitaires wuto 30 juin 2003 na gouvernement transition (na sima ya dialogue intercongolais oyo esalemaki na Sun City, na Afrique du Sud). Na 2006 azalaki candidat mpo na maponami ya président, représentant ya parti MPR-privé . Sima ya Zaïre efungolama na démocratie na 1990, tee na chute ya régime, azalaki conseiller privé ya chef d’Etat.

Na tina ya makambo oyo eleki, akangamaki sanza 20 sima ya Laurent-Désiré Kabila kozua pouvoir na 1997 .

Azali mokambi ya bakompanyi mingi ya mombongo mpe ya kotɛka bandako ; azali mpe na chaîne ya télévision. Azali mokambi ya ba ONG mingi mpo na botomboli basi mpe lisungi mpo na basi ya mombongo.

Masolo oyo etali yango

• Liste ya ba gouverneurs ya Kinshasa
• Basi na politique na République Démocratique du Congo