Bernadette Tokwaulu Aena

Bernadette Tokwaulu Aena

Biographie

Naissance	28 apríli 1961 Kisangáni
Nationalité	Kongó-Kinsásá
Formation	Université de Lille (en)
Activité	Femme politique

Autres informations

A travaillé pour	SNEL (1984-2016)

Bernadette Tokwaulu Aena, abotami mokolo mua 28 na sanza ya minei ya mbula 1961 na Stanleyville kombo ya kala ya engumba Kinshasa, azali moi-politiki ya Congo . Ayebani mpo azalaki moko ya basi oyo bazuaki ntomo ya likolo na bokambi ya SNEL.

Bomɔi

Bernadette Tokwaulu Aena azali mwana ya Emmanuel Tokwaulu Batale, motindami ya kala ya Zaïre na Mozambique, oyo akufaki na sanza ya zomi ya mbula 1986 na likama ya mpepo ya Samora Machel, mokambi wa ekolo Mozambique na tango wana na eleko ya Mobutu. Atangeli mibeko na université ya Lille mpe abandaki mosala na ye na Société nationale ya électricité na 1984, esika wapi amataki mokemoke mpo na kokoma, kobanda 2007 tee na 2016, na ntomo monene babengaka administrateur général adjoint.

Azali mama ya bana misato, abali naino te, asakoli ete kozanga mobali sikawa na ezali na matomba mingi mpo ete libala ekosungaka basi te na bokokisi mikano na bango mingi mingi penza na bokeyi mosika na misala, kozala ya mobali pembeni na ye elingaki ekanga ye makasi, kasi asepeli te ndenge basi misusu bazali kozua misala minene nzokande ezali kozongela makoki na bango te.

Masolo ya politiki

Moko ya lisanga AMP, Bernadette Tokwaulu atelemeli uta 2014 bobongoli Mobeko Likonzi eye ekopesa nzela na Joseph Kabila po nte aponama lisusu lokola Mokambi ya Ekolo pona mbala misato. Ata ko bakangaki ye na musala ya leta oyo elendelaka bato babengi na kombo ya Agence Nationale de Renseignements, Bernadette Tokwaulu awangani etumba na ye te mpe na 2015, atiki kozala moko ya majorité présidentielle. Sikawa na opposition, na sanza ya zomi ya mbula 2017 abundi po na kolekisa nsango na ye "Kabila Tika" atako bakengeli ba mopekisi ye na Hôtel Fleuve na Kinshasa epayi ya Nikki Haley, ambassadeur ya Etats-Unis na Nations Unies.

Na sanza ya zomi ya mbula 2022, ayingeli na Palais du peuple oyo ezalaki koyamba mosala ya bobongisi masolo ma Pré-COP27, apameli John Kerry na pe misusu bazalaki wana mpo na oyo etali makambo ya pasi mazali kolekana na estya ya Congo, yambo nte abima bato babeteli ye maboko makasi mingi. Na sanza ya zomi na mibale ya mbula 2022, pona kokima “ . Balkanisation » ya mboka na nzela ya mayokani ya« . molili » ya Luanda na Nairobi e signamaki na président Félix Tshisekedi mpe pona kobongola mboka zambi ezali ya “ kopɔla », Bernadette Tokwaulu Aena asakoli nte akotia mutu po nte balubola ye mokambi wa Ekolo na maponami ya mokonzi ya mboka na sanza ya zomi na mibale 2023.

Bernadette Tokwaulu azali mokomi ya buku eye “ Joseph Kabila, pari de fou ».