André-Philippe Futa
| Naissance | |
|---|---|
| Décès | |
| Nationalité | |
| Formation | |
| Activités |
Homme politique, économiste |
| Parti politique |
Parti de l'alliance nationale pour l'unité (en) |
|---|
André-Philippe Futa Mudiumbula Tshitumbu Tshipadi, Abotama na Miabi na République démocratique du Congo na mokolo ya 26 sanza ya mwambe 1946 mpe akufi na mokolo ya 1 sanza ya zomi 2009 na Paris 8e, azalaki moto ya politiki ya Congo (RDC).
Azalaki Ministre ya Agriculture na mbulamatari ya liboso ya Joseph Kabila, na sima Ministre ya Finances na kati ya sanza ya libwa 2003 mpe sanza ya zomi na moko 2005 na mbulamatari ya transition, esika oyo Marco Banguli alandaki ye na mokolo ya 18 sanza ya zomi na moko 2005. Azalaki Ministre ya Économie Nationale mpe ya Commerce na Gouvernement Gizenga II mpe na Gouvernement Muzito, kino liwa na ye.
André-Philippe Futa azalaki mobandisi mpe mokambi ya mibale ya PANU (oyo aponamaki na Congrès na 2006), parti politique ya Congo mpe Coordinateur ya Alliance pour la Majorité Présidentielle (AMP) kino Novembre 2007, lisanga ya politiki ya Président Joseph Kabila.
Biografi ya bomoi ya bato
kokomaAndré-Philippe Futa azalaki mobandisi mpe mokambi ya mibale ya PANU (oyo aponamaki na Congrès na 2006), parti politique ya Congo mpe Coordinateur ya Alliance pour la Majorité Présidentielle (AMP) kino Novembre 2007, lisanga ya politiki ya Président Joseph Kabila.
Azali moko ya libota ya bokonzi ya Bena Mbayi mpe Bakwa Dishi, azali mokonzi ya Bakwa Dishi.
Na mibu 7 akotaki na école primaire ya Miabi mpe na nsima akɔtaki na école des Pères Scheut na Merode. Na 1960, abandaki ba études secondaires na Merode mpe alandaki yango na Institut Saint-François-Xavier na section scientifique, option biologie-chimie, azwaki diplome na ye na 1966.
Na automne 1966, abalaki Marie Mbiya Mbombo. Azongaki na UOC (Université officielle du Congo) epai ayekolaki agronomique mpe azwaki diplome ya ingénieur agronomie. Mbula mitano nsima ya kokota na UOC, akendaki na Kamina esika akomaki mokambi ya secteur na Compagnie des Grandes Élevages ya Katongola. Na 1972, akomaki professeur-assistant na Université nationale ya Zaïre.
Na 1974, Futa, mwasi na ye mpe bana na bango bakendaki na États-Unis. Akotaki na Université ya Floride, epai azwaki diplome ya master na Économie ya ba ressources naturelles, diplome oyo azwaki na 1976. Azwaki Ph.D. na 1979 na Oklahoma State University.
Na 1980, libota na ye ekendeki kofanda na Abidjan, na Côte d'Ivoire, esika Futa akotaki na Banque africaine de développement (BAD) esika asalaki ba échelons. Na ntango yango, Futa abalaki Évelyne Eliam. Na 1997, atindamaki na Centre international pour la physionomie et l'écologie des insectes (ICIPE) lokola mokambi. Mbula mibale na nsima, azongaki na BAD lokola mokambi ya Afrique ya Est na bureau régional ya Addis-Abeba na Ethiopie.
Na avril 2001, Futa azongaki na Kinshasa ntango abengamaki na mokonzi ya République démocratique ya Congo mpo na kosala na gouvernement na ye lokola ministre ya Agriculture, Pêche et Élevage. Président Joseph Kabila azongisaki ye motema mpe aponaki ye ministre ya nkita na sanza ya zomi na moko 2002. Na nsima, aponamaki na ebonga ya Ministre ya Finances na esika ya Modeste Mutombo Kyamakosa. Na 2004, aponamaki lokola mokambi ya Conseil ya bakambi ya Banque mondiale mpe ya Fonds monétaire international. Nsima ya kosala mosala na ye na lokumu nyonso, Futa atikaki Ministère ya Finances mpe amipesaki na misala ya parti na ye, Parti ya Alliance Nationale pour l'Unité (PANU), oyo aponamaki mokambi na yango na mokolo ya 6 sanza ya misato 2006 na congrès ya liboso ya parti.
Na janvier 2007, aponamaki sénateur ya province ya Kasaï Oriental. Futa azongisamaki na gouvernement le 25 novembre 2007 lokola Ministre ya Économie Nationale mpe Commerce, nsima na mbongwana ya gouvernement Gizenga.
André-Philippe Futa azalaki membre ya ba associations scientifiques lokola Omicron Delta Epsilon mpe International Association of Agricultural Economist. Abimisaki mikanda na makambo matali bokóli ya nkita.
André-Philippe Futa, ministre ya nkita ya mboka mpe ya mombongo, akufaki na maladi ya motema na mokolo ya 1 Ɔkɔtɔbɛ 2009 na otɛlɛ na ye na Paris, na France. Azalaki kuna mpe asengelaki kozonga mokolo ya minei, 1 octobre 2009, na Kinshasa nsima ya kozala momonisi ya mboka na ye na likita ya mibale ya Amérique du Sud-Afrique (ASA) oyo esangisaki koleka bikolo 60 ya bituka mibale.
Talá mpe
kokomaBanote mpe ba références
kokomaBa liens ya kati
kokoma- Gouvernement ya République Démocratique du Congo
- Erreur Lua dans Module:Site_officiel à la ligne 52 : attempt to call field 'getClaims' (a nil value).
- Erreur Lua dans package.lua à la ligne 80 : module 'Module:Bases/architecture' not found.
- Erreur Lua dans Module:Dictionnaires à la ligne 143 : attempt to call field 'formatStatements' (a nil value).
- Remaniement ministériel : Voici les combinaisons opérées vendredi par Joseph Kabila - DigitalCongo | Palmarès
- Ministère des Finances : Photos des ministres et vice-ministres des Finances
- Biographie du docteur André-Philippe FUTA M.T.
- Site du Parti de l'alliance nationale pour l'unité (PANU)
- Interview du Soft International