Totómbola Lingála

Totómbola Lingála ezalí lisangá lya bôko bato baye balingi lingála mpé bazali komipesa mpó te: tokoma, toloba mpé toyekwisa lingála linzenga. Ezalí na Ndáko ya bomei Mgr. Égide de Boeck.

Yangó elingí koloba’te tokoma mpé toloba lingála na maloba ma lingála: - na bolandaka mibeko mya lokóta lingala. - tángo na bosaleli mpámba mpámba maloba ma nkóta isúsu o lingála.

Misala

Misala ndenge na ndenge mizalí kosálema o Totómbola lingála C.C. Mgr Égide bazalí

1. Bosangisi muku ma kala ma lingala mpó ya bosali ebómbelo ya búku. (bibliothèque)
2. Bobimisi mbala na mbala lokasa Totómbola Lingála mpó ya kolimbola mpé koninola yooko ya ndobela ibe ya lingala mpó ya kolingisa na batangwi bayéba lingála linzenga.
3. Botei lingála linzenga o ladíó, o televizio, kelási mpé o bisika bisusu.
4. Bobongisi môko muku ma kala ma lingála,
5. Bokomi muku ma sika ma kelási, ma mambi ma Nzambe tǒ ma zebi na mambi masusu ndenge na ndenge.
6. Bobokoli balakisi ba lingala mpé bolakisi lingala na baye balingi koyékola lyango.
7. Bobongoli muku ma nkóta isúsu na lingála.
8. Botekisi muku ma lingála o etekiseli ya muku b.n.b. (Librairie)

Bato

Mokambi azalí Lowi Nkinga, moyángeli azalí Victor Mwazaka.

Tála mpé

• Égide de Bœck
• lingala.li site ya «Totómbola Lingála»