Mamá wa Bikolo binso ezalí losámbo na Maria, mamá wa Yésu. Ezalí losámbo ya eklézya katolíko.

Mamá wa Bikolo binso (lifalamá: De Vrouwe van alle Volkeren

Na Bikamo bisantu, ntango insi, soko bakotanga Maria « Mamá » (mwǎsí) ekolakisa mosálá mwa yě mwa Molobeli-mobongisi. Na mibú 1945 téé 1959, na Amsterdam (Holanda, Erópa), mwǎsí mɔ̌kɔ́ nkómbó 'te Ida Peerdeman, azwǎkí mayébisi minɛ́nɛ. Maria azalí koyébisa 'te na « bileko biye mpénza » yě alingí 'te batanga yě na nkómbó 'te Mamá wa Bikolo binso.

Akosɛ́ngɛ́ 'te Pápa wa Roma asakola dogma (litéya lya ntína) ya Maria Mobíkisi-mosálisi, mokabeli wa ngrásia ínsɔ, mpé molobeli. Sɔ́kɔ́ bôngó, Mamá wa Bikólo bínsɔ nd’apésí sɔ̂lɔ́-sɔ̂lɔ́ bobóto na nsé mobimba. Apésí bísó losámbo loye, mpé elílí eye. Tokomɔ́nɔ 'te akotɛ́mɛ libosó lya Kurusé, mpé asangání mpénza na malozi ma Yésu. Na mabɔ́kɔ ma yě ikobima ngenge ísáto : « ngrásia, libíki na bobóto »  mpɔ̂ ya bikólo bínsɔ.

Makabo maye mánsɔ maútí na Kurusé ya Yésu. Maria nd’akabólélí mangó na baye bánsɔ bakosámbelaka na mpíkó mokɔlɔ na mokɔlɔ losámbo loye, o libosó lya Kurusé tǒ elílí eye.


Losámbo kokoma

Mokónzi Yésu Kristo,
Mwǎna wa Tatá
tinda sikǎwa Elímo wa yɔ̌ o mokili.
Fandisa Elímo Sántu o mitéma
mya bikólo binso,
na ntína 'te babika na bobebi,
makama ma mawa mpé na etumba.
Mamá wa Bikólo binso,
óyo batabgaka Maria,
azalá Molobeli wa bísó.
Amen.