Libota Vincentienne

Libota Vincentienne ezalí na lisalisi lya Sango Robert P. Maloney, oyo azali Supérieur Général wa ba Lazariste, mangomba maye mabandemaki na Mosantu Vincent (AIC, Filles de la charité, Lazariste) na maye mazali kolanda mateya ma ye (Société de Saint Vincent de Paul mpe mangomba masusu ndenge na ndenge ma bamibonza) bazali kokutana mpo bayebana malamu, basolola mpo etali misala mya bango mpe baluka ndenge nini bakoki komipesa maboko mpo ya mioko misala lisanga.

Association Internationale des Charités

Association Internationale des Charités ezalí o mokili mobimba mpé ezalí kosangisa mangomba ma bikolo 45, ezali na bato motango 250 000 bamipesi mpo ya kosalisa mabota 3 000 000. Soki totiyi mosala bakosala na maboko ma bango moko na motango mwa mosolo, mokokani mbele na 7 400 000 000 Falánga ya Bɛ́ljika; yango ezalí lokola ngonga 14 800 000 ya mosala na mbula yoko.

Compagnie des Filles de la Charité

• Tála: Compagnie des Filles de la Charité

Société Santu-Vincent-wa-Paul

• Tála: Société Santu-Vincent-wa-Paul

Soeurs de Saint-Vincent de Paul, "Servantes des pauvres" de Gijzegem

Lingomba liye libandisami o mwa 21 yanwali 1818, o mboka Gijzegem na Mme Lecandèle, Baronne wa Gijzegem. Nkombo ya kobotama ya ye nde Elisabeth de Robiano.

Mibeko mya yambo mya lingomba lina mindimamaki na Mgr de Brognie, o mwa 13 mai 1819. Mibeko mina milandi pene mpenza miye Mosantu Vincent apesaka na ba-Filles de la Charité.

Soeurs de la Charité de Roeselare

• Tála: Soeurs de la Charité de Roeselare ya Roeselare (Bɛ́ljika)

Jeunes Volontaires Vincentiens

Mpo ya bilenge ya mbula 18 tee 25, baye bakolakisa polele 'te bazali bakristu to mpe baye bazali koluka kokola na nzela ya bokristu, "Libota Vincentienne" ezali o Bɛ́ljika, ezali kopesa bango libaku lya kobonzela mbula yoko ya bomoi bwa bango o mosala mpo ya batu baye bazali na mikakatano.

• Ezali mosala mokosalema mpo ya babola mpe elongo na bango, o kati ya misala miye miyebani, lokola : koyamba bato, kosalisa bakoni, kopesa bilamba mpe biloko ya koliya, kosalisa bayei lipaya, kosalisa bana bake, kosalisa na ba paroisse ya babola...
• Ezali mpe libaku lya bozali esika yoko na bilenge bisusu, mpo ya kosalisana mpe koyekola lisanga, o bokambemi bwa équipe yoko eke, na ntina ya bomanyoli makambo ma bomoto, ma Biblia mpe ma Mosantu Vincent wa Paul. Manso makosalema na lolenge mpe etaleli ya makambo eye mosantu Vincent atikela biso.

Mosala mona mokosalema na elikya 'te elenge yoko yoko akomona polele eloko nini asala na bomoi bwa ye...