Bedi Mbenza

Hugues Bedi Mbenza uta ba nkombo na ye nionso, azali mosani ya ndembo ya mboka Congo, abotami mukolo ya zomi na moko o sanza libwa o mibu 1984 na Kinsasa. Asakanaka na poste ya mosani ya katikati.

Biografi ya bomoi ya bato

Bedi Mbenza abandaki ndembo o mibu 2006, na AC Mosi. Na mibu 2007, akoti na TP Mazembe. Na mubi 2009, alongaki Ligue des champions ya CAF mpe Super Coupe ya CAF. Na tango ya Coupe du monde ya ba clubs ya mibu 2009, akotisaki mongete o ekipi Pohang Steelers na apesaki na Trésor Mputu ndembo na kati ya masano ya ndembo mpo ye pe atiya mongete. O mibu 2010, alongi Ligue des champions liboso ya Espérance sportive de Tunis o mboka ya Tunisie. Na Coupe du monde ya ba clubs ya mibu 2010, akotisaki lisusu mongete na ekipi ya CF Pachuca.

Na mibu 2011, akoti na club belge RSC Anderlecht esika abeta ba masano zomi na minei.

Na mibu 2013, akoti na Club africain ya mboka Tunisie ​​mpo na yango abeta ntuku misato na motoba ya masano mpe akotisaki mongete mibale o masano mona.

Na sanza ya motoba o mibu 2015, Kozanga contrat moko te, akoti na FC Renaissance na mboka Congo.

Na TP Mazembe

Hugues Bedi Mbenza, abandaki mpo na finale ya mibu 2010 Coupe du monde ya ba clubs ya FIFA lokola mosani ya katikati mpe mokaboli ndembo katikati ya basani ya sima na ya liboso ya mongete na composition ya ekipi ya molakisi Lamine N'Diaye ya moko o mongete, minei o sima, mitano na katikati na moko liboso ya mongete neti 1-4-5-1. Masano katikati ya TP Mazembe ya Republique Démocratique du Congo na FC Internazionale Milano ya Italie, oyo ya suka amonaki ba congolais ko pola na score ya 0 - 3 poya ba Italiens, bozangi elonga oyo ekumisi ékipi ya Hugues Bedi Mbenza mpo na mosala oyo ya kozala na club africain ya liboso mpenza oyo ekomaki na finale ya Coupe du monde ya ba clubs FIFA o mibu 2010.

Liste ya ba prix

Ntalo mpe mbano

• Molongi ya mbongo na ékipi o mboka Belgique uta club ya Royal Sporting Club Anderlecht o mibu 2012
• Molongi ya CAF Champions League na mubi 2009 mpe na mibu 2010 na TP Mazembe
• Molongi ya CAF Supercup na mibu 2009 na 2010 na TP Mazembe
• Championnat ya football ya République démocratique du Congo, abili molongi ya mboka Congo na ba mibu 2007,2009 na 2011 na TP Mazembe
• Molongi ya Championnat ya ndembo ya bikolo ya Afrika ya 2009 na mboka Congo

Mabongoli

• Mbenza fr: Bedi Mbenza